Foto: russian.space
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin reseilik BAQ-taǵy "Qazaqstan Roskosmostyń Baiqońyrdaǵy múlkine birneshe milliard dollarlyq buǵat qoidy" degen aqparatqa qatysty pikir bildirdi, - dep habarlaidy Tengrinews.kz portaly.
Reseilik BAQ Qazaqstan Roskosmostyń Baiqońyrda jumys isteitin enshiles qurylymy - jerústi ǵarysh infraqurylymy nysandaryn paidalaný ortalyǵy múlkin buǵattady jáne odan 13,5 milliard teńge kóleminde bereshekti óndirip alýǵa nietti degen habarlama jariialady. Basylymdar málimetinshe, janjal Reseidiń Baiqońyrdan ketýine ákelýi múmkin, óitkeni resýrstardy paidalanýǵa jáne qarjylyq operatsiialardy júrgizýge tyiym salý Baiqońyrdaǵy jumystyń basym baǵytyn - "Soiýz-5" zymyrany úshin jańa ushyrý alańyn salýdy tejeidi.
Úkimet otyrysynda jýrnalister saýalyna jaýap bergen Baǵdat Mýsin buǵattaý "Baiqońyr" kesheniniń múlkine qatysty emes, tek jerústi ǵarysh infraqurylymyn paidalaný ortalyǵyna (TsENKI) qatysty ekenin túsindirdi.
"Bir jaǵynan - "Báiterek "BK" AQ, ekinshi jaǵynan - TsENKI. Olardyń AHQO tórelik sotynda sot protsesteri boldy, onyń qorytyndysy boiynsha AHQO belgili bir sheshim shyǵardy, nátijesinde sot oryndaýshysy Qazaqstan Zańy boiynsha óz is-áreketin jasaidy, bul búkil "Baiqońyr" kesheniniń múlkine jáne t. b. qatysty emes, bul TsENKI-ge, onyń Qazaqstan aýmaǵyndaǵy múlkine qatysty", - dep túsindirdi Mýsin Úkimet kýlýarynda.
Onyń aitýynsha, jaǵdaidy retteý úshin kelissózder júrgizilip jatyr.
"Bul sheshim qabyldandy, boldy degendi bildirmeidi. Belgili bir sot protsesteri odan ári jalǵasady. Jáne meniń oiymsha, sot organdary durys sheshim shyǵarady. Sot sheshimi shyqty, biraq odan ári protsester jalǵasady, meniń bilýimshe, qazir TsENKI basshylyǵy Qazaqstanda, olar kompaniiamen kelissózder júrgizip jatyr jáne AHQO soty deńgeiindegi protsedýralardy jalǵastyrý kerek. Somany óndirip alý týraly sot sheshimi, qaisysy esimde joq. Milliard nemese eki milliard kóleminde", - dep qosty ministr.
