فوتو: russian.space
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين رەسەيلٸك باق-تاعى "قازاقستان روسكوسموستىڭ بايقوڭىرداعى مٷلكٸنە بٸرنەشە ميلليارد دوللارلىق بۇعات قويدى" دەگەن اقپاراتقا قاتىستى پٸكٸر بٸلدٸردٸ, - دەپ حابارلايدى Tengrinews.kz پورتالى.
رەسەيلٸك باق قازاقستان روسكوسموستىڭ بايقوڭىردا جۇمىس ٸستەيتٸن ەنشٸلەس قۇرىلىمى - جەرٷستٸ عارىش ينفراقۇرىلىمى نىساندارىن پايدالانۋ ورتالىعى مٷلكٸن بۇعاتتادى جەنە ودان 13,5 ميلليارد تەڭگە كٶلەمٸندە بەرەشەكتٸ ٶندٸرٸپ الۋعا نيەتتٸ دەگەن حابارلاما جارييالادى. باسىلىمدار مەلٸمەتٸنشە, جانجال رەسەيدٸڭ بايقوڭىردان كەتۋٸنە ەكەلۋٸ مٷمكٸن, ٶيتكەنٸ رەسۋرستاردى پايدالانۋعا جەنە قارجىلىق وپەراتسييالاردى جٷرگٸزۋگە تىيىم سالۋ بايقوڭىرداعى جۇمىستىڭ باسىم باعىتىن - "سويۋز-5" زىمىرانى ٷشٸن جاڭا ۇشىرۋ الاڭىن سالۋدى تەجەيدٸ.
ٷكٸمەت وتىرىسىندا جۋرناليستەر ساۋالىنا جاۋاپ بەرگەن باعدات مۋسين بۇعاتتاۋ "بايقوڭىر" كەشەنٸنٸڭ مٷلكٸنە قاتىستى ەمەس, تەك جەرٷستٸ عارىش ينفراقۇرىلىمىن پايدالانۋ ورتالىعىنا (تسەنكي) قاتىستى ەكەنٸن تٷسٸندٸردٸ.
"بٸر جاعىنان - "بەيتەرەك "بك" اق, ەكٸنشٸ جاعىنان - تسەنكي. ولاردىڭ احقو تٶرەلٸك سوتىندا سوت پروتسەستەرٸ بولدى, ونىڭ قورىتىندىسى بويىنشا احقو بەلگٸلٸ بٸر شەشٸم شىعاردى, نەتيجەسٸندە سوت ورىنداۋشىسى قازاقستان زاڭى بويىنشا ٶز ٸس-ەرەكەتٸن جاسايدى, بۇل بٷكٸل "بايقوڭىر" كەشەنٸنٸڭ مٷلكٸنە جەنە ت. ب. قاتىستى ەمەس, بۇل تسەنكي-گە, ونىڭ قازاقستان اۋماعىنداعى مٷلكٸنە قاتىستى", - دەپ تٷسٸندٸردٸ مۋسين ٷكٸمەت كۋلۋارىندا.
ونىڭ ايتۋىنشا, جاعدايدى رەتتەۋ ٷشٸن كەلٸسسٶزدەر جٷرگٸزٸلٸپ جاتىر.
"بۇل شەشٸم قابىلداندى, بولدى دەگەندٸ بٸلدٸرمەيدٸ. بەلگٸلٸ بٸر سوت پروتسەستەرٸ ودان ەرٸ جالعاسادى. جەنە مەنٸڭ ويىمشا, سوت ورگاندارى دۇرىس شەشٸم شىعارادى. سوت شەشٸمٸ شىقتى, بٸراق ودان ەرٸ پروتسەستەر جالعاسادى, مەنٸڭ بٸلۋٸمشە, قازٸر تسەنكي باسشىلىعى قازاقستاندا, ولار كومپانييامەن كەلٸسسٶزدەر جٷرگٸزٸپ جاتىر جەنە احقو سوتى دەڭگەيٸندەگٸ پروتسەدۋرالاردى جالعاستىرۋ كەرەك. سومانى ٶندٸرٸپ الۋ تۋرالى سوت شەشٸمٸ, قايسىسى ەسٸمدە جوق. ميلليارد نەمەسە ەكٸ ميلليارد كٶلەمٸندە", - دەپ قوستى مينيستر.
