Reseidiń Mýrmansk oblysynda vahtalyq ádispen jumys istep jatqandar arasynda tóbeles boldy. Olardyń arasynda qazaqtar bar. Qazaqstan Respýblikasy Syrtqy ister ministrliginiń resmi ókili Aibek Smadiiarov oqiǵaǵa túsinik berdi, dep habarlaidy "Ult aqparat".
Aita keteiik, áleýmettik jelilerde Mýrmansk óńirinde qazaqtar ózge ult ókilderimen tóbeleskeni týraly videolar tarap jatyr.
«23 naýryz kúni, saǵat 20:30 shamasynda Mýrmansk oblysy Belokamenka aýylynyń janyndaǵy Iritonnajdy teńiz qurylymdary ortalyǵynyń qurylys alańdarynyń birinde vahtalyq jumysshylardyń, sonyń ishinde Qazaqstan Respýblikasy azamattarynyń qatysýymen jappai tóbeles oryn aldy.
Bul jaǵdai turmystyq oqiǵa sipatyna ie. Kompaniia ókilderiniń aitýynsha, qazirgi tańda másele sheshilip, qyzmetkerler qalypty rejimde jumys istep jatyr. Qolda bar málimetterge sáikes, jaraqat alǵandar jáne quqyq qorǵaý organdary ustap alyp ketken azamattar arasynda qazaqstandyqtar joq.
QR Sankt-Peterbýrgtegi Bas konsýldyǵy máseleni óz baqylaýynda ustaýda», - dedi Qazaqstan Respýblikasy Syrtqy ister ministrliginiń resmi ókili Aibek Smadiiarov.
