2018 jyldyń naýryzynda Tokmadi 10,5 jylǵa bas bostandyǵynan aiyryldy, tamyzda birinshi satydaǵy sot ony shartty túrde merziminen buryn bosatý týraly sheshim qabyldady. Bul týraly "Ult aqparat" Sputnik-ke silteme jasap habarlaidy.
Almaty oblystyq sotynyń apelliatsiialyq alqasy BTA bankiniń basshysy Erjan Tátishevti óltirgeni úshin sottalǵan Murathan Toqmadidi shartty túrde merziminen buryn bosatý týraly birinshi satydaǵy sottyń sheshiminiń kúshin joidy.
Shartty túrde merziminen buryn bosatý týraly týraly sheshimdi Qonaev qalalyq soty 2024 jyldyń tamyz aiynyń basynda qabyldady. Tátishevtiń týystary Almaty oblystyq sotyna shaǵymdandy. Erjan Tátishev 2004 jyly basynan atyp óltirildi. Tergeý bankirdiń ólimi ańshylyq kezindegi "jazataiym oqiǵa" degen qorytyndyǵa keldi.
Kásipker Murathan Toqmadige "abaisyzdaǵy kisi ólimi" baby boiynsha aiyp taǵyldy. Sot oǵan bir jylǵa bas bostandyǵyn shekteý jazasyn taǵaiyndady. 2017 jyly is qaita qaralyp, Toqmadi bankirdi óltirgenin moiyndady.
Is materialdaryna sáikes, ol Muhtar Ábliazovtyń qysymymen kisi óltirgen. 2018 jyldyń naýryzynda Toqmadi 10,5 jylǵa bas bostandyǵynan aiyryldy. 2022 jyly qańtardaǵy oqiǵalardan keiin UQK-niń burynǵy basshysy Másimov qamaýǵa alynǵanda, Toqmadi ózine qylmysty kúshtep moiyndatqanyn málimdedi.
