Foto: gov.kz
Qyzylorda oblysyna jańa ákim taǵaiyndaldy. Memleket basshysynyń Jarlyǵymen Murat Ergeshbaev óńir basshysy qyzmetine kiristi. Bul týraly Aqordanyń baspasóz qyzmeti habarlady.
Jańa taǵaiyndaý óńirdegi basqarý júiesin jańǵyrtýǵa baǵyttalǵan kadrlyq ózgerister aiasynda júzege asty.
Murat Nálqojauly Ergeshbaev 1966 jyly Qyzylorda qalasynda dúniege kelgen. Ol Almaty halyq sharýashylyǵy institýtyn jáne Qazaqstan Respýblikasy Prezidentiniń janyndaǵy Ulttyq joǵarǵy memlekettik basqarý mektebin támamdaǵan.
Eńbek jolyn 1989 jyly Syrdariia aýdanynda ekonomist bolyp bastap, keiin aýdandyq ónerkásip birlestikterinde basshylyq qyzmetter atqarǵan. Ár jyldary bank sektorynda, sondai-aq tótenshe jaǵdailar júiesinde jaýapty laýazymdarda jumys istegen.
Memlekettik qyzmette de mol tájiribesi bar. Atap aitqanda, Qyzylorda qalasynyń ákimi, oblystyq qarjy basqarmasynyń basshysy, Qarmaqshy jáne Shieli aýdandarynyń ákimi qyzmetterin atqarǵan. Sonymen qatar Almaty qalasy boiynsha tutynýshylardyń quqyqtaryn qorǵaý departamenti basshysynyń orynbasary jáne «QazAgroÓnim» aktsionerlik qoǵamynyń basqarýshy direktory bolǵan.
2017–2021 jyldary Qazaly aýdanynyń ákimi, al 2021–2023 jyldary Syrdariia aýdanynyń ákimi qyzmetin atqardy.
Eske sala keteiik, buǵan deiin Nurlybek Nálibaev Qazaqstan Respýblikasy Premer-Ministriniń birinshi orynbasary laýazymyna taǵaiyndalǵan bolatyn.
