Memleket jáne qoǵam qairatkeri Murat Áýezov Abai kúnin atap ótýdiń mańyzdylyǵy týraly aitty, dep habarlaidy QazAqparat.
«Qiyn-qystaý kezeńderde halyq Abaidyń ánderin oryndap, sózderin júrekterinde saqtady, onyń sózderi, ánderi halyqpen birge boldy. Abai –uly adam, ol halyqtyń qutqarýshysy, óitkeni XX ǵasyrdyń basyndaǵy aýyr kezeńdi ótkergen «Zar zaman» aqyndary da osy atalǵan ǵasyrdyń qiyn bolatynyn sezdi. Abai da bildi, onyń kemeńgerligi sol, ol halyqtyń mádenietin, tilin, ádebietin, dinin saqtap qalýǵa jol taba bildi»,– dedi Murat Áýezov.
Onyń aitýynsha, Abai men onyń shyǵarmashylyǵy taza, móldir bulaq siiaqty, qurǵaq shóp pen qatty topyraqty da qaita jandandyrady.
Abai Qunanbaev – qazaq aqyny, kompozitor, aǵartýshy, oishyl, qoǵam qairatkeri, qazaq jazba ádebietiniń negizin qalaýshysy, qazaq mádenietiniń reformatory jáne onyń alǵashqy klassigi.
Eske salaiyq, Qazaqstan Úkimetiniń qaýlysymen 10 tamyz Abai kúni bolyp belgilendi.
