kollaj: Tengrinews.kz
Álemniń eks-chempiony Haime Mýngiia Jánibek Álimhanulymen jekpe-jekke qarsy emes ekenin, biraq basqa da qarsylastardy qarastyryp jatqanyn aitty, - dep habarlaidy Tengrinews.kz tilshisi Vesti.kz saityna silteme jasap.
WBO buǵan deiin boksshylar arasynda "ýaqytsha" ataq úshin jekpe-jekke ruqsat bergen.
"Haime Mýngiia @ESPNKnockOut-ta Jánibek Álimhanulyna qarsy "ýaqytsha" titýl úshin jekpe-jek týraly aitty: "jekpe-jek ótkizsek, jaqsy bolar edi, biraq ózim Charlo, Golovkinge qarsy álem chempiony titýly úshin kúreskim keledi", - dep keltirdi onyń sózin jýrnalist Levi Lýna.
Qazaqstandyq buǵan deiin Mýngiiamen ótýi múmkin jekpe-jekke qatysty reaktsiia bildirip, daiyndyǵyn kórsetti.
"Jaqsy jańalyq bar. WBO áigili meksikalyq boksshy Haime Mýngiiamen jekpe-jek ótkizý týraly sheshim shyǵardy. Jekpe-jek WBO-nyń "ýaqytsha" chempiony ataǵy úshin ótedi.
Kelisimge qol jetkizilgen jaǵdaida, meksikalyq Andrade siiaqty basqa salmaqqa aýyspasa, bul biz úshin jaqsy bolady. Haime Meksikada "Kaneloǵa" ǵana jol beredi. Boks áleminde tanymal. Jeńilmeitin juldyz! Rekord 39-0. Onyń 31-in nokaýtpen jeńdi!
Biz daiynbyz. Biyl jarqyrap kórinemiz. Álemdi QAZAQ STYLE-men tanystyraiyq!"- dep jazdy Jánibek Instagram-da.
