Memleket basshysy Qasym-Jomart Toqaev Mańǵystaý jurtshylyǵymen kezdesýinde oblystaǵy aýyz sý tapshylyǵy máselesine toqtaldy, - dep habarlaidy "Ult aqparat" Aqordanyń baspasóz qyzmetine silteme jasap.
"Mańǵystaýdyń sýmen qamtamasyz etý júiesin jáne injenerlik infraqurylymyn jańǵyrtyp, Aqtaý jáne Jańaózen qalalaryn damytý kerek. Aýyz sýdyń jetispeýi – turǵyndardy alańdatyp otyrǵan ótkir máseleniń biri. Sý tushytatyn zaýyttardyń qýaty álsiz bolǵandyqtan, qalalar men aýyldarda jaz kezinde sý belgili bir ýaqytta ǵana beriledi. Al, biylǵy mamyr aiynda qala turǵyndary sý tasityn kóliktiń kezeginde turýǵa májbúr boldy. Mundai jaǵdaiǵa shydap otyrýǵa bolmaidy", - dedi Prezident.
Memleket basshysy 2025 jylǵa qarai oblysta sýǵa degen suranys 260 myń tekshe metrge deiin ósýi múmkin ekenin eskertti.
"Men bes jyl ishinde óńirdegi barlyq qalalar men aýyldardy aýyz sýmen qamtamasyz etý jóninde mindet qoiyp otyrmyn. Ákimdik bul baǵyttaǵy jumystardy bastap ketti. Meniń tapsyrmammen jyl aiaǵyna deiin 12 aýyl ortalyqtan beriletin sý júiesine qosylatyn bolady.
Óńirde 2025 jylǵa deiin sý tushytý jónindegi 9 joba, magistraldi sý qubyryn salý jáne qaita jańǵyrtý jónindegi 4 jobany júzege asyrý kózdelip otyr. Sonymen qatar, merzimi sozylyp bara jatqan jobalar da bar", - dep tolyqtyrdy Toqaev.
