Shymkentte bazar mańynda saýda jasaǵany úshin politseiler aiyppul salmaq bolǵan ájei oqiǵaǵa qatysty pikir bildirdi. Keiýana shý shyǵarýǵa qarsy ekenin aitty, - dep habarlaidy Tengrinews.kz tilshisi Otyrar.kz basylymyna silteme jasap.
Bazardaǵy oqiǵanyń keiipkeri PD tártiptik komissiiasynyń otyrysyn túsirýge tyiym salyp, shý shyǵarýǵa qarsy ekenin ashyq aitty. Tártiptik keńes bastalmas buryn ol jýrnalisterge ózi kináli ekenin, telefonyn alyp qoimaǵanyn jáne barlyq shýdy kýágerler qozdyrǵanyn aitty.
"Mundai shý shyǵarýdyń ne qajeti bar? Tipti bir qylmys jasalǵan tárizdi. Men ózim kinálimin. Adam zańǵa baǵynýy kerek. Bazar syrtynda emes, bazarda saýda jasaý kerek. Men onda jańǵaq apardym. Bir-eki ret politsei eskertti, biraq men nashar estimin. Qaita janyma kelgende telefonymdy berip, balama habarlasýyn suradym. Boldy. Basqa eshteńe bolǵan joq. Sosyn ketip qaldym. Adamdarǵa daý-janjal kerek, sondyqtan bári jinalyp aldy", - dedi zeinetker.
