Búgin Májilistiń jalpy otyrysynda «Valiýtalyq retteý jáne valiýtalyq baqylaý týraly» QR Zań jobasynyń alǵashqy oqylymynda spiker Nurlan Nyǵmatýlin Ulttyq Bank tóraǵasy Daniiar Aqyshevqa depýtattar saýalyna naqty jaýap berýin surady, dep habarlaidy Baq.kz tilshisi.
«Daniiar Talǵatuly, zaldyń reaktsiiasyn kórip otyrsyz ba? Bizde mundai jaǵdai buryn da bolǵan. Sizderdiń áriptesterińizdiń biri minberge kóterildi, jaýap berdi, sodan keiin Nurlan Zairýllauly reglament boiynsha ýaqyt bitti dedi. Ol kóp sózben depýtattar qoiatyn suraqtardy shekteimin dep oilaǵan-aý. Bizdiń quqyǵymyz bar, sizdi kún boiy tyńdaýǵa ázirmiz. Naqty jaýap berińiz. Naqty suraq boldy: Ulttyq bank osyndai mámilelerdiń somasy boiynsha shekteýler engizýdi josparlap otyr ma? Iá, ne joq dep jaýap berińiz. «Iá» bolsa qandai kólemde? Munda kelip lektsiia oqýdyń ne qajeti bar?», - dedi Nurlan Nyǵmatýlin zań jobasyn talqylaý barysynda.
Ulttyq Bank tóraǵasy Daniiar Aqyshev «Shyǵarylatyn aqshalardyń kólemine eshqandai valiýtalyq shekteý joq», - dep qysqa qaiyrdy.
