Sársenbi kúni munai baǵasy tómendedi, WTI amerikalyq munai markasynyń fiýchersteri 17 jyldaǵy eń tómengi kórsetkishke deiin tústi. Koronavirýs saldarynan engizilgen qatań oqshaýlaný men saparlaýǵa shekteý qoiýǵa bailanysty otynǵa degen suranys nasharlady. Bul týraly Reuters habarlady.
WTI markaly munai baǵasy 84 tsentke nemese 3,12%-ǵa, iaǵni barreli 26,11 dollarǵa deiin tómendedi. Buǵan deiin 2003 jyldyń mamyrynan beri alǵash ret barreli 25,83 dollarǵa túsken bolatyn.
Brent markaly munai baǵasy 37 tsentke nemese 1,29%-ǵa, barreli 28,36 dollarǵa arzandady. Buǵan deiin bul kórsetkish 2016 jyldyń basynan beri eń tómengi deńgeige – 28,05 dollarǵa túsken edi.
Goldman Sachs sarapshylary ekinshi toqsanda Brent markaly munai baǵasy bir barreli 20 dollarǵa deiin túsýi múmkin dep otyr. Bul - 2002 jyldyń basyndaǵy eń tómengi kórsetkish.
