سەرسەنبٸ كٷنٸ مۇناي باعاسى تٶمەندەدٸ, WTI امەريكالىق مۇناي ماركاسىنىڭ فيۋچەرستەرٸ 17 جىلداعى ەڭ تٶمەنگٸ كٶرسەتكٸشكە دەيٸن تٷستٸ. كوروناۆيرۋس سالدارىنان ەنگٸزٸلگەن قاتاڭ وقشاۋلانۋ مەن ساپارلاۋعا شەكتەۋ قويۋعا بايلانىستى وتىنعا دەگەن سۇرانىس ناشارلادى. بۇل تۋرالى Reuters حابارلادى.
WTI ماركالى مۇناي باعاسى 84 تسەنتكە نەمەسە 3,12%-عا, ياعني باررەلٸ 26,11 دوللارعا دەيٸن تٶمەندەدٸ. بۇعان دەيٸن 2003 جىلدىڭ مامىرىنان بەرٸ العاش رەت باررەلٸ 25,83 دوللارعا تٷسكەن بولاتىن.
Brent ماركالى مۇناي باعاسى 37 تسەنتكە نەمەسە 1,29%-عا, باررەلٸ 28,36 دوللارعا ارزاندادى. بۇعان دەيٸن بۇل كٶرسەتكٸش 2016 جىلدىڭ باسىنان بەرٸ ەڭ تٶمەنگٸ دەڭگەيگە – 28,05 دوللارعا تٷسكەن ەدٸ.
Goldman Sachs ساراپشىلارى ەكٸنشٸ توقساندا Brent ماركالى مۇناي باعاسى بٸر باررەلٸ 20 دوللارعا دەيٸن تٷسۋٸ مٷمكٸن دەپ وتىر. بۇل - 2002 جىلدىڭ باسىنداعى ەڭ تٶمەنگٸ كٶرسەتكٸش.
