Energetika vitse-ministri Janat Jahmetova ortalyq kommýnikatsiialar qyzmetinde kómirsýtekterdi barlaý jəne óndirý quqyǵyna arnalǵan onlain aýktsionnyń nətijelerin qorytyndylady, dep habarlaidy "Ult aqparat".
Ministrlik ókiliniń sózinshe, otyn-energetika keshenindegi E-aýktsion servisi 2020 jyldyń 1 qyrkúieginde iske qosylǵan. Alǵashqy onlain aýktsion byltyr 23 jeltoqsanda ótken bolatyn. Al sońǵysy biyl 23 sáýirde 8 ýchaske boiynsha uiymdastyrylǵan.
«2021 jylǵy 23 sáýirde ótken ekinshi elektrondyq aýktsionǵa bastapqy qol qoiý bonýsy 713 mln teńge bolatyn 8 munai-gaz ýchaskesi qoiyldy. Al qol qoiý bonýsynyń jiyntyq somasy bastapqy qol qoiý bonýstan 13 ese asyp, 9,3 mlrd teńgeni qurady. Kómirsýtekterdi barlaý jáne óndirý úshin memleket usynatyn 8 ýchaskeniń jalpy aýdany 2 myń sharshy shaqyrymnan asady», - dedi Janat Jahmetova.
Vitse-ministr bul joly aýktsion ótken zaldan onlain-kórsetilim uiymdastyrylǵanyn da eske saldy.
«Bul onyń Qazaqstannan da, shetelden de ótýin baqylaýǵa múmkindik berdi. Sonymen qatar, tsifrlyq formatta ótkizilgen aýktsiondardyń muraǵaty saqtalyp otyr», - dedi ministrdiń orynbasary.
