ەنەرگەتيكا ۆيتسە-مينيسترٸ جانات جاحمەتوۆا ورتالىق كوممۋنيكاتسييالار قىزمەتٸندە كٶمٸرسۋتەكتەردٸ بارلاۋ جəنە ٶندٸرۋ قۇقىعىنا ارنالعان ونلاين اۋكتسيوننىڭ نəتيجەلەرٸن قورىتىندىلادى, دەپ حابارلايدى "ۇلت اقپارات".
مينيسترلٸك ٶكٸلٸنٸڭ سٶزٸنشە, وتىن-ەنەرگەتيكا كەشەنٸندەگٸ ە-اۋكتسيون سەرۆيسٸ 2020 جىلدىڭ 1 قىركٷيەگٸندە ٸسكە قوسىلعان. العاشقى ونلاين اۋكتسيون بىلتىر 23 جەلتوقساندا ٶتكەن بولاتىن. ال سوڭعىسى بيىل 23 سەۋٸردە 8 ۋچاسكە بويىنشا ۇيىمداستىرىلعان.
«2021 جىلعى 23 سەۋٸردە ٶتكەن ەكٸنشٸ ەلەكتروندىق اۋكتسيونعا باستاپقى قول قويۋ بونۋسى 713 ملن تەڭگە بولاتىن 8 مۇناي-گاز ۋچاسكەسٸ قويىلدى. ال قول قويۋ بونۋسىنىڭ جيىنتىق سوماسى باستاپقى قول قويۋ بونۋستان 13 ەسە اسىپ, 9,3 ملرد تەڭگەنٸ قۇرادى. كٶمٸرسۋتەكتەردٸ بارلاۋ جەنە ٶندٸرۋ ٷشٸن مەملەكەت ۇسىناتىن 8 ۋچاسكەنٸڭ جالپى اۋدانى 2 مىڭ شارشى شاقىرىمنان اسادى», - دەدٸ جانات جاحمەتوۆا.
ۆيتسە-مينيستر بۇل جولى اۋكتسيون ٶتكەن زالدان ونلاين-كٶرسەتٸلٸم ۇيىمداستىرىلعانىن دا ەسكە سالدى.
«بۇل ونىڭ قازاقستاننان دا, شەتەلدەن دە ٶتۋٸن باقىلاۋعا مٷمكٸندٸك بەردٸ. سونىمەن قاتار, تسيفرلىق فورماتتا ٶتكٸزٸلگەن اۋكتسيونداردىڭ مۇراعاتى ساقتالىپ وتىر», - دەدٸ مينيستردٸڭ ورىنباسارى.
