QR Energetika ministrligi 2020 jylǵy munai-gaz jáne energetika salalaryndaǵy ózgerister týraly aityp berdi, dep habarlaidy "Ult aqparat".
Vedomstvonyń habarlaýynsha, 2020 jyldyń 1 qańtarynan bastap bazalyq jobalyq qujattardyń memlekettik saraptamasy birqatar mańyzdy ózgeristerge ushyrady, atap aitqanda, Energetika ministrligi janyndaǵy Barlaý jáne ázirleý jónindegi ortalyq komissiia qyzmetiniń tásilderi men biznes-protsesteri jáne táýelsiz saraptama rásimi qaita qaraldy. Bir sarapshynyń sýbektivti baǵalaýyn alyp tastaý maqsatynda bir jobalaý qujatyna táýelsiz saraptama júrgizý úshin keminde úsh táýelsiz sarapshy taǵaiyndaý kózdelgen.
Ortalyq komissiia quramy 22-den 33 múshege deiin keńeitildi jáne jańartylǵan tizimge qosymsha «Atameken» UKP, zańdy tulǵalar birlestiginiń ókilderi jáne kómirsýtekter salasynda arnaiy bilimi men jumys tájiribesi bar joǵary bilikti mamandar engizildi. Komissiia jumysynda qaralatyn jobalardyń sapasyna basa nazar aýdaryldy. Qazirgi ýaqytta Ortalyq komissiianyń 9 otyrysy ótip, 107 jobalaý qujattary qaralǵan, onyń ishinde 88 joba boiynsha (82,2%) memlekettik saraptamanyń oń qorytyndysy, 19 joba boiynsha (17,8%) teris qorytyndy shyǵarylǵan.
2020 jyly jer qoinaýyn paidalaný quqyǵyna arnalǵan elektrondyq aýktsiondar iske qosyldy. Jańa tetik naryqty ashyq etip, biýrokratiiany qysqartty jáne biznes pen memleket shyǵyndaryn aitarlyqtai azaitty. 2020 jyly 23 jeltoqsanda jer qoinaýynyń 7 ýchaskesi boiynsha alǵashqy aýktsion ótti.
Saýda-sattyq elorda ýaqytymen saǵat 10:00-de bastaldy, al qatysýshylar aýktsion zalyna tańǵy 9-dan bastap kire aldy. Osy aýktsiondarda jeti ýchaskedegi barlaý jáne óndirý quqyǵy satyldy. Olardyń bastapqy baǵasy 263 mln teńgeni qurady jáne nátijesinde 230 eseden astamǵa ulǵaiyp, 61 mlrd teńgege deiin ósti. Ýchaskelerdiń birindegi bastapqy baǵa 1000 ese ósken. Biyl jeti ýchaske boiynsha jalpy qol qoiý bonýsy 61 mlrd teńge bolǵan.
Bul rette aýktsion arqyly jerdi ielenýge emes, jer qoinaýyn paidalanýǵa quqyq beriletinin atap ótken jón. Bul quqyq «Jer qoinaýy jáne jer qoinaýyn paidalaný týraly» QR Kodeksi arqyly retteledi, ýchaskelerdegi kez kelgen tehnologiialyq protsester Energetika ministrligi janyndaǵy Barlaý jáne ázirleý jónindegi ortalyq komissiiada qaralatyn bolady.
Jer qoinaýyn paidalaný quqyǵyn alǵan soń investor jergilikti atqarýshy organmen jerdi jaldaý týraly shartqa qol qoiady. Jobalyq qujatty ázirleýden buryn jer qoinaýyn paidalanýshy jergilikti halyqtyń qatysýymen qoǵamdyq tyńdaýlar ótkizýge mindetti. Aýktsiondar onlain jáne jasyryn túrde ótkendikten, qatysýshylar bir-birin kórmeidi. Bul aqparat osy aýktsiondardy ótkizýge jetekshilik etetin QR Energetika ministrliginiń mamandary úshin de jasyryn bolǵan.
Saýda – sattyq barysyn barlyq operator baqylai alady, iaǵni «Aqparattyq-esepteý ortalyǵy» AQ Energetika ministrliginiń suraýy boiynsha bólek jariia aýktsion zalyn qurdy. Aýktsion barysynda túsken barlyq qarajat memleket biýdjetin tolyqtyrady.
Sonymen birge, 2020 jyly Qazaqstanda munai-gaz mashinasyn jasaýdy damytý halyqaralyq ortalyǵy quryldy. Tiisti kelisimge 30 qarashada Energetika ministrligi, Indýstriia jáne infraqurylymdyq damý ministrligi, «PSA» JShS, iri munai-gaz jobalarynyń operatorlary (TShO, KPO, NKOK) men «Qazaqstan mashina jasaýshylar odaǵy» ZTB qol qoidy. Bul baǵyttaǵy jumys Memleket basshysynyń mashina jasaý salasyn damytý jónindegi tapsyrmasy men munai-gaz mashinasyn jasaýdy damytýdyń 2019-2024 jyldarǵa arnalǵan bekitilgen jospary aiasynda júrgizildi. Bul ortalyq munai-gaz salasy úshin taýarlar óndirisin oqshaýlaý boiynsha jumys isteidi. Sondai-aq, jańa óndirister ashý men otandyq taýar óndirýshilerdiń qazirgi múmkindikterin keńeitý kózdeledi. Bul otandyq óndirýshilerdi munai-gaz jobalary operatorlarynan taýar satyp alýǵa barynsha yqpal etedi.
