QR Energetika vitse-ministri Áset Maǵaýov munai men gaz salasynda qansha jumysshy qysqartylǵanyn aitty, dep habarlaidy "Ult aqparat".
«Biz jaǵdaidy turaqty baqylap otyrmyz. 13 mamyrdaǵy jaǵdai boiynsha jalaqysy saqtalmaityn demalystaǵy jumysshylardyń sany 500-ge jýyq adam. Sonymen qatar, tolyq emes jumys kúnimen qamtylǵan 398 adam bolsa, jalaqy tólemine qatysty jumysy ýaqytsha toqtaǵan 2 200 adam tirkeldi. Iaǵni, jappai tikelei qysqartýlar bolmaǵanyn kórip turmyz. Atap aitqanda, munai salasynda 40 adam qysqartylǵan, sondai-aq ózderiniń sheshimimen 90 adam qyzmetinen ketken», - dedi vitse-ministr búgin Ortalyq kommýnikatsiialar qyzmetinde.
Onyń atap ótýinshe, jumys oryndaryn saqtap qalýǵa bailanysty tiisti sharalar atqarylatyn bolady.
«Monitoring aiasynda oblys ákimdikteri iri kompaniialarmen keshendi josparlardy ázirledi. Osy oraida jumys oryndaryn saqtaý boiynsha munai jáne gaz kompaniialarymen jańa memorandýmdardy bekitý eskerilip otyr. Sonymen qatar, jumysshylardyń eńbek quqyqtaryn saqtaýǵa qatysty qadaǵalaý sharalary kúsheitildi», - dedi Áset Maǵaýov.
