AQSh, Qytai jáne Resei siiaqty iri oiynshylar arasyndaǵy saýda soǵysy jalpy álemdik saýda ahýalyna keri áser etedi. Bul týraly QR Ulttyq ekonomika ministri Rýslan Dalenov Ortalyq kommýnikatsiialar qyzmeti alańynda ótken baspasóz-májilisi barysynda aitty, dep habarlaidy Baq.kz agenttigi.
Jiyn barysynda ministrge «teńge kýrsy men munai baǵasy aldaǵy ýaqytta qalai ózgerýi múmkin» degen suraqtar qoiyldy.
«Teńgeniń kýrsyna qatysty boljamǵa kelsem ol túrli faktorlarǵa, onyń ishinde negizinen munai baǵasyna bailanysty. Munaidyń baǵasy aldaǵy ýaqytta qalai ózgeretini týraly qazirgi kúni eshkim naqty boljam aita almaidy. Sonymen qatar, teńge kýrsyna kórshi elderdiń saýda-sattyǵy da áser etedi, sondyqtan kýrs barysy qalai ózgeretinin qazir dóp basyp aitý qiyn», - dedi ministr.
Sonymen qatar, ol munai baǵasyna qatysty sarapshylar qandai oi bildirip jatqanyna toqtalyp ótti.
«Munaidyń baǵasyna qatysty sarapshylar túrli paiymda. Bireýi bir barell munai baǵasy 40 dollar bolady dese, endi biri 70 bolady deidi. Árine, AQSh, Qytai jáne Resei siiaqty iri oiynshylar arasyndaǵy saýda soǵysy jalpy álemdik saýdanyń ahýalyna keri áser etedi. Keibir sarapshylar bul álemdik JIÓ-ni tómendetip jiberedi dep málimdeýde. Onyń ishinde shiki zat pen munaiǵa degen suranystyń tómendep ketýi de ǵajap emes. Kópshilik munai baǵasynyń ótken jyldardaǵydai joǵary bolmaitynyn boljap otyr. Degenmen, munai baǵasynyń kúrt tómendep ketetini týraly belgini kórip otyrǵan joqpyz», - dedi Rýslan Dalenov.
