Munai baǵasynyń tómendep, teńgeniń quldyraýyna bailanysty Qazaqstannyń biýdjeti qaita qarala ma? Bul suraqqa OKQ-da uiymdastyrylǵan baspasóz máslihatynda Qarjy ministri Erulan Jamaýbaev jaýap berdi, dep habarlaidy QazAqparat.
«Biylǵy naqtylanǵan biýdjet sáýir aiynda qabyldandy. Eki ai boldy. Sondyqtan respýblikalyq biýdjetti qaita qaraý týraly ózekti másele turǵan joq. Biraq bizdiń respýblikalyq biýdjetke túsetin josparly qarajat oryndalmai otyr. Áitse de qazirgi ahýalǵa, munai baǵasyna, syrtqy ekonomikalyq jáne saiasi ahýalǵa bailanysty biz ózimizdiń boljamdarymyzdy qaita qarastyramyz. Biraq qazir biýdjetti qaita qaraityndai eshqandai sebep joq», - dedi ministr.
Eske sala ketsek buǵan deiin Erulan Jamaýbaev Qazaqstannyń ulttyq qoryna byltyr 4,5 trln teńge qosylǵanyn málim etken bolatyn. Onyń aitýynsha 2019 jyldyń qorytyndysy boiynsha Ulttyq qor qarajaty shamamen 27,5 trln teńgeni nemese 65,5 mlrd dollardy qurady. Ótken jyly Ulttyq qorǵa shamamen 4,5 trln teńge, onyń ishinde munai sektory uiymdarynan túsetin tikelei salyqtar túsimderi esebinen 2,8 trln teńge túsken.
