مۇناي باعاسىنىڭ تٶمەندەپ, تەڭگەنٸڭ قۇلدىراۋىنا بايلانىستى قازاقستاننىڭ بيۋدجەتٸ قايتا قارالا ما? بۇل سۇراققا وكق-دا ۇيىمداستىرىلعان باسپاسٶز مەسليحاتىندا قارجى مينيسترٸ ەرۇلان جاماۋباەۆ جاۋاپ بەردٸ, دەپ حابارلايدى قازاقپارات.
«بيىلعى ناقتىلانعان بيۋدجەت سەۋٸر ايىندا قابىلداندى. ەكٸ اي بولدى. سوندىقتان رەسپۋبليكالىق بيۋدجەتتٸ قايتا قاراۋ تۋرالى ٶزەكتٸ مەسەلە تۇرعان جوق. بٸراق بٸزدٸڭ رەسپۋبليكالىق بيۋدجەتكە تٷسەتٸن جوسپارلى قاراجات ورىندالماي وتىر. ەيتسە دە قازٸرگٸ احۋالعا, مۇناي باعاسىنا, سىرتقى ەكونوميكالىق جەنە ساياسي احۋالعا بايلانىستى بٸز ٶزٸمٸزدٸڭ بولجامدارىمىزدى قايتا قاراستىرامىز. بٸراق قازٸر بيۋدجەتتٸ قايتا قارايتىنداي ەشقانداي سەبەپ جوق», - دەدٸ مينيستر.
ەسكە سالا كەتسەك بۇعان دەيٸن ەرۇلان جاماۋباەۆ قازاقستاننىڭ ۇلتتىق قورىنا بىلتىر 4,5 ترلن تەڭگە قوسىلعانىن مەلٸم ەتكەن بولاتىن. ونىڭ ايتۋىنشا 2019 جىلدىڭ قورىتىندىسى بويىنشا ۇلتتىق قور قاراجاتى شامامەن 27,5 ترلن تەڭگەنٸ نەمەسە 65,5 ملرد دوللاردى قۇرادى. ٶتكەن جىلى ۇلتتىق قورعا شامامەن 4,5 ترلن تەڭگە, ونىڭ ٸشٸندە مۇناي سەكتورى ۇيىمدارىنان تٷسەتٸن تٸكەلەي سالىقتار تٷسٸمدەرٸ ەسەبٸنەن 2,8 ترلن تەڭگە تٷسكەن.
