Jyl basynan beri Ulttyq banktiń altyn-valiýta aktivteri valiýtalyq interventsiialar, ekinshi deńgeili bank shottaryndaǵy qaldyqtardyń jáne syrtqy borysh boiynsha tólemderdiń esebinen 851 mln dollarǵa tómendedi, dep habarlaidy QazAqparat.
Úkimet otyrysynda QR Ulttyq bankiniń tóraǵasy Ǵalymjan Pirmatov osyndai derek keltirdi.
«Jalpy halyqaralyq rezervter sáýir sońynda 85,9 mlrd AQSh dollaryn qurady. Ulttyq Banktiń altynvaliýta aktivteri jyl basynan beri valiýtalyq interventsiialar, ekinshi deńgeili bank shottaryndaǵy qaldyqtardyń jáne syrtqy borysh boiynsha tólemderdiń esebinen 851 mln dollarǵa tómendep, 33,5 mlrd dollardy qurady. Ulttyq qordyń aktivteri 52,4 mlrd dollardy qurady. Respýblikalyq biýdjetke 1,5 trln teńge transfert bólý úshin biylǵy 4 aida 2,3 mlrd dollarǵa valiýtalyq aktivter satyldy. Munai baǵasy kóterilgen tusta Ulttyq qorǵa túsetin túsim ótken jyldyń osy kezeńimen salystyrǵanda 5 eseden kóp ulǵaiyp, jyl basynan beri 2,1 trln teńgeni qurady», - dedi Ǵalymjan Pirmatov.
Sondai-aq, ol Ulttyq qordyń kiristiligi 30 sáýirge 3,22%-ǵa jetkenin atap ótti. Iaǵni, bul Ulttyq qor tarihynda bolmaǵan ósim.
«Sońǵy 5 jáne 10 jyldaǵy kiristilik jyldyq kórsetkishte, tiisinshe 2,38% jáne 1,62% bolyp kelgen edi», - dedi Ulttyq bank basshysy.
