7 jastan 16 jasqa deiingi balalardy múgedektik toptary boiynsha bólý kózdeledi. Bul týraly Parlament Májilisiniń jalpy otyrysynda azamattardyń jekelegen sanattaryn áleýmettik qorǵaý máseleleri boiynsha zań jobasyn talqylaý kezinde QR Eńbek jáne halyqty áleýmettik qorǵaý ministri Serik Shápkenov málim etti, dep habarlaidy "Ult aqparat".
«Bala densaýlyǵynyń buzylý dárejesin jáne tynys-tirshilik áreketiniń shektelýin eskere otyryp, zań jobasynda 7 jastan 16 jasqa deiingi balalardy múgedektik toptary boiynsha bólý kózdeledi. Bul shara balalar aýrýynyń dárejesine qarai ońaltý is-sharalary men áleýmettik kómekti, onyń ishinde járdemaqylar mólsheri bóliginde saralaýǵa múmkindik beredi. Bul rette múgedektigi bar balalardyń barlyq toptary úshin járdemaqy mólsheri 16,7 paiyzdan 37 paiyzǵa deiin ulǵaitylady. Bul shara 30 myńnan astam múmkindigi shekteýli balaǵa qatysty bolady», - dedi ministr.
