Zańǵa arnaýly áleýmettik qyzmetter kórsetýdiń tiimdiligi arttyrýǵa baǵyttalǵan qosymsha normalar engizildi.
Bul týraly Parlament Májilisiniń jalpy otyrysynda azamattardyń jekelegen sanattaryn áleýmettik qorǵaý máseleleri boiynsha zań jobasyn talqylaý kezinde QR Eńbek jáne halyqty áleýmettik qorǵaý ministri Serik Shápkenov málim etti, dep habarlaidy "Ult aqparat".
«Zań jobasy aiasynda múgedektigi bar balaǵa kútim jasaý merzimin 18 jasqa deiin uzartý kózdelip otyr. Bul jasyna bailanysty zeinetaqy tólemderi men bazalyq zeinetaqyny taǵaiyndaýǵa oń áserin tigizedi», - dedi S. Shápkenov.
Osy oraida ol qazirgi ýaqytta múmkindigi shekteýli balany kútý kezeńi 16 jasqa deiin eskerilgenin eske saldy.
«Sonymen qatar, tabysy az otbasylardyń balalaryn kepildendirilgen áleýmettik toptamamen qamtamasyz etý qarastyrylǵan. Oǵan qosa arnaýly áleýmettik qyzmetterdiń tiimdiligi jáne ataýlylyǵyn arttyratyn ózge de qosymsha normalar kózdelgen», - dedi ministr.
