Múmkindigi shekteýli azamattarǵa beriletin arnaýly járdemaqy eń tómengi kúnkóris deńgeiiniń 1,4 ese kóbeitilgen mólsherine deiin bolady. Bul týraly Nur Otan partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«Turaqty kútimge muqtaj jáne jeke kómekshi qyzmetin paidalanbaityn 1-toptaǵy múmkindigi shekteýli azamattardyń barlyǵyna qosymsha áleýmettik qoldaý kórsetiledi. Osyǵan orai beriletin arnaýly járdemaqy eń tómengi kúnkóris deńgeiiniń 1,4 ese kóbeitilgen mólsherine deiin bolady. Aldaǵy 5 jyl ishinde biz erekshe kútimdi qajet etetin adamdardy arnaýly tehnikalyq quraldarmen qamtamasyz etemiz. Sondai-aq olarǵa tolyqtai ońaltý-saýyqtyrý qyzmeti usynylady. Biraq, eń bastysy ár adamǵa tabys tabý múmkindigin berý kerek. Bul rette biz naqty sharalar qabyldaimyz», - dedi QR Prezidenti.
Memleket basshysynyń aitýynsha, sonyń nátijesinde 2025 jylǵa qarai múmkindigi shekteýli azamattardy jumyspen qamtý kórsetkishi 30 paiyzǵa jetedi.
«Osyndai jandardyń kásibi qyzmetpen ainalysýmen birge bilim alýyna da jaǵdai jasaý mańyzdy. 5 jyl ishinde kolledjder men joǵary oqý oryndary inkliýzivti bilim berý úderisimen tolyq qamtylady. Sonymen qatar mektepke deiingi barlyq mekemeler men mektepterde bul kórsetkishti kezeń-kezeńmen 70 paiyzǵa deiin jetkizemiz», - dedi Qasym-Jomart Toqaev.
