Úndistannyń Mýmbai megapolisinde mýssondyq nóser saldarynan ǵimarattardyń qulaýynan qaza tapqandardyń jalpy sany 33 adamǵa jetti, dep habarlaidy Times of India.
Basylymnyń habarlaýynsha, oqiǵa bolǵan jerde qutqarý jumystary jalǵasýda, qurbandar sany odan da kóp bolýy múmkin.
Jeksenbi kúni India TV telearnasy 24 adamnyń qaitys bolǵanyn habarlaǵan.
Ortalyq úkimet pen Maharashtra shtatynyń (astanasy Mýmbai) biligi qaza tapqandar men jaraqat alǵandardyń otbasylaryna kómek berý jaily jariialady.
Meteorologtardyń aitýynsha, Mýmbaida ótken senbi kúni keshqurymnan jeksenbi kúni tańerteńge deiin shamamen 200 mm jaýyn-shashyn jaýǵan. Nóser saldarynan qalanyń oipatty aýdandarynda sý tasqyny bolǵan. Sel men sý tasqynynan Chembýr, Vihroli, Bhandpýr aýdandarynda ǵimarattar qulady.
