ٷندٸستاننىڭ مۋمباي مەگاپوليسٸندە مۋسسوندىق نٶسەر سالدارىنان عيماراتتاردىڭ قۇلاۋىنان قازا تاپقانداردىڭ جالپى سانى 33 ادامعا جەتتٸ, دەپ حابارلايدى Times of India.
باسىلىمنىڭ حابارلاۋىنشا, وقيعا بولعان جەردە قۇتقارۋ جۇمىستارى جالعاسۋدا, قۇرباندار سانى ودان دا كٶپ بولۋى مٷمكٸن.
جەكسەنبٸ كٷنٸ India TV تەلەارناسى 24 ادامنىڭ قايتىس بولعانىن حابارلاعان.
ورتالىق ٷكٸمەت پەن ماحاراشترا شتاتىنىڭ (استاناسى مۋمباي) بيلٸگٸ قازا تاپقاندار مەن جاراقات العانداردىڭ وتباسىلارىنا كٶمەك بەرۋ جايلى جارييالادى.
مەتەورولوگتاردىڭ ايتۋىنشا, مۋمبايدا ٶتكەن سەنبٸ كٷنٸ كەشقۇرىمنان جەكسەنبٸ كٷنٸ تاڭەرتەڭگە دەيٸن شامامەن 200 مم جاۋىن-شاشىن جاۋعان. نٶسەر سالدارىنان قالانىڭ ويپاتتى اۋداندارىندا سۋ تاسقىنى بولعان. سەل مەن سۋ تاسقىنىنان چەمبۋر, ۆيحرولي, بحاندپۋر اۋداندارىندا عيماراتتار قۇلادى.
