Almaty ákimi Baqytjan Saǵyntaevtyń tapsyrmasy boiynsha muqtaj qalalyqtardyń jekelegen sanattaryn qoldaý maqsatynda kommýnaldyq qyzmetter boiynsha qaryzdary keshirildi, dep habarlaidy "Ult aqparat".
Bul shara halyqtyń áleýmettik osal toptaryna jatatyn qalalyqtarǵa qatysty uiymdastyryldy.
Qalanyń «ALTS» jáne «Almaty Sý» kommýnaldyq kásiporyndary jergilikti biýdjettiń esebinen tólengen jylýdyń, ystyq jáne sýyq sýdyń debitorlyq qaryzdaryn esepten shyǵardy.
5 055 adamnyń bereshegin qaitarý úshin biýdjetten 79,9 mln teńge jumsalady:
- 11 Uly Otan soǵysyna qatysýshy men soǵys múgedekteriniń - 78 061 teńge;
- 840 eńbek maidanyna qatysýshynyń - 4 659 507 teńge;
- 115 Uly Otan soǵysyna qatysýshy men soǵys múgedekterine teńestirilgenderdiń - 1 520 764 teńge;
- basqa memleketterde bolǵan soǵystardyń 49 ardageriniń - 1 881 004 teńge;
- 462 kámeletke tolmaǵan 4 nemese odan kóp balalary bar kópbalaly otbasylardyń - 15 898 519 teńge;
- 2 709 birinshi, ekinshi jáne úshinshi toptaǵy múgedekterdiń - 37 619 113 teńge;
- 224 ataýly áleýmettik kómek alatyn adamnyń - 6 735 501 teńge;
- 211 eń tómengi jáne odan tómen zeinetaqy alatyn zeinetkerdiń - 7 770 687 teńge;
- 346 múgedek bala tárbielep otyrǵan otbasynyń - 2 438 187 teńge;
- 88 asyraýshysynan airylǵany úshin járdemaqy alatyn otbasynyń 1 271 369 teńge kóleminde kommýnaldyq bereshegi keshirildi.
