QR Premer-Ministriniń orynbasary – Syrtqy ister ministri Muhtar Tileýberdi bastaǵan qazaqstandyq delegatsiia «Ortalyq jáne Ońtústik Aziia: aimaqtyq ózara bailanys. Syn-qaterler men múmkindikter» atty Halyqaralyq konferentsiiaǵa qatysty. Bul týraly SIM habarlady.
Konferentsiianyń plenarlyq sessiiasynda sóilegen sózinde M.Tileýberdi óńiraralyq yntymaqtastyqtyń tarihi ózara bailanysy men qazirgi deńgeiin atap ótti, sondai-aq Ortalyq jáne Ońtústik Aziia memleketteri arasyndaǵy ózara is-qimyldy nyǵaitý jóninde usynystar engizdi. Konferentsiia barysynda Aýǵanstandaǵy jaǵdaidyń shielenisýi jaǵdaiynda gýmanitarlyq qoldaý kórsetýdi qosa alǵanda, qaýipsizdik salasyndaǵy birlesken kúsh-jigerdi arttyrý, sondai-aq ShYU, EAEO jáne AÓSShK siiaqty kópjaqty tetikter men birlestikterdiń rólin arttyrý taqyryptary talqylandy.
Ministr M.Tileýberdi Ózbekstan Respýblikasynyń Prezidenti Shavkat Mirzieiovpen kezdesti. Ekijaqty yntymaqtastyq máselelerin talqylaý kezinde ózbek basshysy Qazaqstan-Ózbekstan shekarasynda «Ortalyq Aziia» Halyqaralyq saýda-ekonomikalyq yntymaqtastyq ortalyǵynyń jaqyn arada iske qosylýyna erekshe nazar aýdardy. Qazaqstan delegatsiiasynyń músheleri qaýipsizdik, ekonomikalyq yntymaqtastyq jáne mádeni-gýmanitarlyq salalarǵa arnalǵan úsh sektoraldyq sessiiaǵa da belsene qatysty.
Konferentsiia qorytyndysy boiynsha Ortalyq jáne Ońtústik Aziia memleketteri Syrtqy ister ministrleriniń óńirlik ózara bailanysty damytý týraly Birlesken málimdemesi qabyldandy.
