Búgin Shanhai yntymaqtastyq uiymynyń Syrtqy ister ministrleri keńesiniń alańynda Qazaqstan Respýblikasynyń Syrtqy ister ministri Muhtar Tileýberdi Qyrǵyzstan men Úndistan Respýblikalarynyń Syrtqy ister ministrlerimen kezdesti, dep habarlaidy "Ult aqparat".
«Chingiz Aidarbekovpen qazaqstan-qyrǵyz kópjosparly yntymaqtastyǵynyń ózekti máseleleri, sondai-aq asa joǵary jáne joǵary deńgeidegi ekijaqty saparlardyń qorytyndylary boiynsha qol jetkizilgen ýaǵdalastyqtardy iske asyrý máseleleri talqylandy.
Memleketter arasyndaǵy kólik qatynasyn qalpyna keltirý jáne eki respýblika azamattarynyń shekaradan ótý tártibi egjei-tegjeili qarastyryldy. Qyrǵyz tarapy Qazaqstanǵa koronavirýspen kúreste jáne qyrǵyz azamattaryn otanyna qaitarý boiynsha birlesken jumysta kórsetken qoldaýy úshin erekshe rizashylyǵyn bildirdi», - dedi QR SIM-nen.
Málim etilgendei, eki eldiń SIM basshylary halyqaralyq jáne óńirlik uiymdar aiasyndaǵy ózara is-qimyl máselelerin de qarastyrdy.
«Al Sýbramanian Djaishankar Qazaqstan men Úndistan arasyndaǵy saiasi yntymaqtastyq pen joǵary deńgeidegi saparlarmen almasýdyń joǵary serpinin atap ótti.
Taraptar elder arasyndaǵy 2020 jylǵy qańtar-mamyr ailaryndaǵy taýar ainalymy 1,57 mlrd AQSh dollaryn qurap, 2019 jyldyń osy kezeńimen salystyrǵanda eki ese óskenin rizashylyqpen atap ótti.
S.Djaishankar energetika, investitsiia, farmatsevtika jáne logistika salasyndaǵy Qazaqstan-Úndistan yntymaqtastyǵyn odan ári keńeitýdiń mańyzdylyǵyna nazar aýdardy», - delingen vedomstvo aqparatynda.
Kezdesý qorytyndysy boiynsha taraptar buryn qol jetkizilgen ýaǵdalastyqtardy iske asyrý maqsatynda ózara tyǵyz is-qimyldy jalǵastyrýǵa, sondai-aq Nur-Sultan men Niý-Deli arasyndaǵy strategiialyq áriptestikti odan ári tereńdetýge baǵyttalǵan birqatar is-sharalardy birlesip júrgizýge kelisti.
Úndistan men Qyrǵyzstan Qazaqstannyń Aziiadaǵy ózara is-qimyl jáne senim sharalary jónindegi Keńeske aldaǵy tóraǵalyǵyn quptady.
