Májiliste úkimettik emes uiymdardyń ókilderi, qoǵam belsendileri aýyl sharýashylyǵyna tiesili jerdi paidalaný máseleleri boiynsha usynystaryn aitty, dep habarlaidy Baq.kz agenttigi.
«Jer resýrstaryn oryndy paidalanýdyń ózekti máselelerine» arnalǵan dóńgelek ústelde qoǵam qairatkeri Muhtar Taijan jerdiń memlekettik menshik ekenin saqtai otyryp, ony jalǵa berý naryǵyn damytý qajettigin atap ótti. Munymen qosa jerdi jalǵa berý elektrondy túrde jáne tek Qazaqstan azamattary men 100% qazaqstandyq zańdy tulǵalar arasynda qyzmet etý kerek.
Budan bólek qoǵam qairatkeri aýylsharýashylyq óndirýshiler tóleitin salyqtardy biriktiretin biryńǵai agrarly salyq engizýdi usyndy.
Búginde paidalanylmai turyp qalǵan aýyl sharýashylyǵyna arnalǵan jerlerdiń salyǵy bar. Sondai-aq jumys isteitin aýyl sharýashylyǵy kásiporyndaryna 7 qosymsha salyq qosylady. Kásiporyn jalǵa alǵan aýyl sharýashylyǵyna arnalǵan jer kólemine esepteletin biryńǵai agrarly salyq jerdiń bos turmai, kásiporynnyń ol jerdi paidalanýyna yqpal etedi.
Sonymen qatar, jerdi paidalanýǵa bailanysty barlyq protsesti qatań baqylaýda ustaý úshin motinoringti zańdastyrý usynyldy.
Muhtar Taijannyń aitýynsha, aýyl sharýashylyǵyna arnalǵan jerlerdiń kópjyldyq jáne tiimsiz banktik kepilinen shyǵarý úshin zańdy sheshim tabý kerek.
