مەجٸلٸستە ٷكٸمەتتٸك ەمەس ۇيىمداردىڭ ٶكٸلدەرٸ, قوعام بەلسەندٸلەرٸ اۋىل شارۋاشىلىعىنا تيەسٸلٸ جەردٸ پايدالانۋ مەسەلەلەرٸ بويىنشا ۇسىنىستارىن ايتتى, دەپ حابارلايدى Baq.kz اگەنتتٸگٸ.
«جەر رەسۋرستارىن ورىندى پايدالانۋدىڭ ٶزەكتٸ مەسەلەلەرٸنە» ارنالعان دٶڭگەلەك ٷستەلدە قوعام قايراتكەرٸ مۇحتار تايجان جەردٸڭ مەملەكەتتٸك مەنشٸك ەكەنٸن ساقتاي وتىرىپ, ونى جالعا بەرۋ نارىعىن دامىتۋ قاجەتتٸگٸن اتاپ ٶتتٸ. مۇنىمەن قوسا جەردٸ جالعا بەرۋ ەلەكتروندى تٷردە جەنە تەك قازاقستان ازاماتتارى مەن 100% قازاقستاندىق زاڭدى تۇلعالار اراسىندا قىزمەت ەتۋ كەرەك.
بۇدان بٶلەك قوعام قايراتكەرٸ اۋىلشارۋاشىلىق ٶندٸرۋشٸلەر تٶلەيتٸن سالىقتاردى بٸرٸكتٸرەتٸن بٸرىڭعاي اگرارلى سالىق ەنگٸزۋدٸ ۇسىندى.
بٷگٸندە پايدالانىلماي تۇرىپ قالعان اۋىل شارۋاشىلىعىنا ارنالعان جەرلەردٸڭ سالىعى بار. سونداي-اق جۇمىس ٸستەيتٸن اۋىل شارۋاشىلىعى كەسٸپورىندارىنا 7 قوسىمشا سالىق قوسىلادى. كەسٸپورىن جالعا العان اۋىل شارۋاشىلىعىنا ارنالعان جەر كٶلەمٸنە ەسەپتەلەتٸن بٸرىڭعاي اگرارلى سالىق جەردٸڭ بوس تۇرماي, كەسٸپورىننىڭ ول جەردٸ پايدالانۋىنا ىقپال ەتەدٸ.
سونىمەن قاتار, جەردٸ پايدالانۋعا بايلانىستى بارلىق پروتسەستٸ قاتاڭ باقىلاۋدا ۇستاۋ ٷشٸن موتينورينگتٸ زاڭداستىرۋ ۇسىنىلدى.
مۇحتار تايجاننىڭ ايتۋىنشا, اۋىل شارۋاشىلىعىنا ارنالعان جەرلەردٸڭ كٶپجىلدىق جەنە تيٸمسٸز بانكتٸك كەپٸلٸنەن شىعارۋ ٷشٸن زاڭدى شەشٸم تابۋ كەرەك.
