Muhtar Qul-Muhammed partiialyqtarǵa tabiǵi apattan zardap shekkenderge kómek kórsetýdi tapsyrdy, dep habarlaidy "Ult aqparat".
Mundai tapsyrmany ol búgin «Nur Otan» partiiasynyń oblystyq filialdary jáne departament basshylarymen ótken keńeitilgen otyrysta berdi.
Muhtar Qul-Muhammed tap osyndai qiyn jaǵdaida bizdiń halyqtyń boiyndaǵy qaiyrymdylyq, ózara kómek pen raqymshylyq siiaqty asyl qasietterdiń asa mańyzdy qyzmet atqaratynyn atap ótti. «Nur Otan» partiiasy Tóraǵasynyń Birinshi orynbasary qazaqstandyqtardyń osyndai qiyndyqqa tap bolǵan otandastarynyń jaǵdaiyna bei-jai qaramaitynyna senim bildirdi.
«Nur Otan» partiiasy bul qaiyrymdy, saýaby mol iste kópke úlgi bolýy tiis. Sý tasqynynan zardap shekkenderge qol ushyn sozý – bizdiń azamattyq abzal boryshymyz. Sondyqtan jergilikti jerlerde osy baǵyttaǵy jumysty jedel ári júieli uiymdastyrýymyz kerek», – dep atap ótti Muhtar Qul-Muhammed.
