Búgin QR Parlamenti Májilisiniń jalpy otyrysynda Muhtar Erman Ortalyq sailaý komissiiasynyń múshesi qyzmetine taǵaiyndaldy, dep habarlaidy QazAqparat.
«Konstitýtsiiasyzdyń 57 jáne 58-baptaryna sáikes, palata tóraǵasynyń usynýymen Parlamenttiń ár palatasy Ortalyq sailaý komissiiasynyń 2 múshesin taǵaiyndaidy. Osyǵan bailanysty bul qyzmetke áriptesimiz Muhtar Ermannyń kandidatýrasyn usynyp otyrmyz», - dedi Májilistiń jalpy otyrysynda palata spikeri Erlan Qoshanov.
Erman Muhtar Tildábekuly 1963 jyly Ońtústik Qazaqstan oblysynda týǵan.
Qazaq memlekettik ýniversitetin bitirgen. QR Parlamenti Májilisindegi «Nur Otan» partiiasy fraktsiiasy apparatynyń basshysy, altynshy, jetinshi sailanǵan QR Parlamenti Májilisiniń depýtaty boldy.
«Qurmet» ordenimen, «Eren eńbegi úshin», «Qazaqstan Respýblikasynyń táýelsizdigine 10 jyl», «Qazaqstan Respýblikasynyń táýelsizdigine 20 jyl», «10 jyl Astana» medaldarymen marapattalǵan.
