Foto: ashyq derekkóz
QR Premer-ministriniń orynbasary – mádeniet jáne aqparat ministri Aida Balaeva Muhtar Áýezov atyndaǵy Qazaq ulttyq drama teatrynyń 100 jyldyq mereitoiymen quttyqtady, dep habarlaidy Ult.kz.
Quttyqtaýynda ministr teatrdy qazaq rýhaniiatynyń qara shańyraǵy dep atap, ǵasyr buryn «Eńlik-Kebek» qoiylymymen ashylǵan qasietti sahnanyń ult tarihy men taǵdyrly kezeńderin kórkem tilmen jetkizip kele jatqanyn aitty. Osy jyldar ishinde teatr sahnasynda «Abai», «Qobylandy», «Qaragóz», «Aiman – Sholpan» syndy qazaq dramatýrgiiasynyń injý-marjandaryna ainalǵan týyndylar qoiylǵanyn eske saldy.
Aida Balaeva óner ordasynyń Almatyǵa qonys aýdaryp, 1937 jyly akademiialyq mártebe alǵanyn, keiin uly jazýshy Muhtar Áýezovtiń esimi berilgenin atap ótti. Búginde «Ulttyq» mártebege ie teatrdyń álemdik mádeni keńistikke nyq qadam basyp kele jatqanyn jetkizdi.
Ministr teatr ujymyna zor densaýlyq, shyǵarmashylyq shabyt pen óner jolyndaǵy jańa jetistikter tiledi.
