«Habar» telearnasy «Bolshaia nedelia» baǵdarlamasynyń arnaiy shyǵarylymynda «Turan Álem» bankiniń burynǵy basshysy Erjan Tátishovtiń óliminiń sebebin talqylady.
Arnaiy habarǵa bankirdiń ólimine qatysty oqiǵanyń aq-qarasyn talqylaýǵa qaitys bolǵan burynǵy basshysy Erjan Tátishov otbasynyń advokaty Evgenii Iavorskii, sýdia Azamat Tilepov, Bas prokýratýradan Erjan Ermuhanbetuly, bloger, qoǵam qairatkeri Denis Krivosheevter qatysty. Sondai-aq «Qazshynyqurylys» mekemesiniń burynǵy basshysy Murathan Toqmádi jazasyn óteý mekemesinen tikelei bailanysqa shyqty. Murathan Toqmádi banktiń burynǵy basshysy Erjan Tátishevti tapsyryspen óltirý isi boiynsha oqiǵanyń qalai órbigenin taldap, aityp beredi. Sondai-aq 2001-2006 jyldary Ulttyq qaýipsizdik komitetin basqarǵan Nartai Dútbaev, Erjan Tátishevtiń burynǵy jeke kúzetshisi Sergei Kozlikin bankirdiń óliminiń qalai, qaida, qashan bolǵanyn taldady.
Baǵdarlamada eks-bankirdiń ólimine qatysty derekterdi sheteldik sarapshylar «Muhtar Ábiliazovtyń tapsyrysymen Erjan Tátishevti óltirdim» degen Murat Toqmádidiń ýájin jan-jaqty talqylap shyqqan. Bastapqyda «Erjan Tátishevti baiqamai atyp aldym» dep aqtalǵan Murathan Toqmádi bankirdi ádeii óltirgenin moiyndaidy. Tapsyrysty oryndaǵany úshin 4 million dollarǵa keliskenin de aityp ótedi.
Oqiǵanyń uzaq tergelýi jaiynda aldaǵy ýaqytta tolyqtai jazatyn bolamyz.
