«حابار» تەلەارناسى «بولشايا نەدەليا» باعدارلاماسىنىڭ ارنايى شىعارىلىمىندا «تۇران ەلەم» بانكٸنٸڭ بۇرىنعى باسشىسى ەرجان تەتٸشوۆتٸڭ ٶلٸمٸنٸڭ سەبەبٸن تالقىلادى.
ارنايى حابارعا بانكيردٸڭ ٶلٸمٸنە قاتىستى وقيعانىڭ اق-قاراسىن تالقىلاۋعا قايتىس بولعان بۇرىنعى باسشىسى ەرجان تەتٸشوۆ وتباسىنىڭ ادۆوكاتى ەۆگەنيي ياۆورسكيي, سۋديا ازامات تٸلەپوۆ, باس پروكۋراتۋرادان ەرجان ەرمۇحانبەتۇلى, بلوگەر, قوعام قايراتكەرٸ دەنيس كريۆوشەەۆتەر قاتىستى. سونداي-اق «قازشىنىقۇرىلىس» مەكەمەسٸنٸڭ بۇرىنعى باسشىسى مۇراتحان توقمەدي جازاسىن ٶتەۋ مەكەمەسٸنەن تٸكەلەي بايلانىسقا شىقتى. مۇراتحان توقمەدي بانكتٸڭ بۇرىنعى باسشىسى ەرجان تەتٸشەۆتٸ تاپسىرىسپەن ٶلتٸرۋ ٸسٸ بويىنشا وقيعانىڭ قالاي ٶربٸگەنٸن تالداپ, ايتىپ بەرەدٸ. سونداي-اق 2001-2006 جىلدارى ۇلتتىق قاۋٸپسٸزدٸك كوميتەتٸن باسقارعان نارتاي دٷتباەۆ, ەرجان تەتٸشەۆتٸڭ بۇرىنعى جەكە كٷزەتشٸسٸ سەرگەي كوزليكين بانكيردٸڭ ٶلٸمٸنٸڭ قالاي, قايدا, قاشان بولعانىن تالدادى.
باعدارلامادا ەكس-بانكيردٸڭ ٶلٸمٸنە قاتىستى دەرەكتەردٸ شەتەلدٸك ساراپشىلار «مۇحتار ەبٸليازوۆتىڭ تاپسىرىسىمەن ەرجان تەتٸشەۆتٸ ٶلتٸردٸم» دەگەن مۇرات توقمەديدٸڭ ۋەجٸن جان-جاقتى تالقىلاپ شىققان. باستاپقىدا «ەرجان تەتٸشەۆتٸ بايقاماي اتىپ الدىم» دەپ اقتالعان مۇراتحان توقمەدي بانكيردٸ ەدەيٸ ٶلتٸرگەنٸن مويىندايدى. تاپسىرىستى ورىنداعانى ٷشٸن 4 ميلليون دوللارعا كەلٸسكەنٸن دە ايتىپ ٶتەدٸ.
وقيعانىڭ ۇزاق تەرگەلۋٸ جايىندا الداعى ۋاقىتتا تولىقتاي جازاتىن بولامىز.
