75 jastaǵy frantsýz saiahatshysy Jan-Jak Saven muhittaǵy ekinshi jeke saiahatynda qaitys boldy - ol Atlant muhityn eskekpen kesip ótpek boldy, dep habarlaidy QazAqparat BBC jańalyqtaryna silteme jasap.
Juma kúni Savenniń aýdarylǵan qaiyǵy saiahatshy bastaǵan Portýgaliiadan bir jarym myń shaqyrymdai jerde Azor araldarynan tabyldy.
Saven qazasynyń sebepteri men jaǵdailary áli belgisiz.
«Ókinishke qarai, bul joly muhit bizdiń dosymyzdan kúshti boldy, ol teńizdi jáne onda saiahattaǵandy súietin», - delingen Savenniń Facebook paraqshasynda.
Saven 1 qańtarda Portýgaliianyń Sagreshinen Atlant muhity arqyly ekinshi saiahatyna shyqty.
Birinshisin ol úsh jyl buryn úlken, arnaiy salynǵan bóshkede jasaǵan. Beisenbige qaraǵan túni Saven eki márte apat signalyn bergen.
Sodan keiin onymen bailanys úzilgen. Ol buǵan deiin sársenbi kúni Facebook-te qatty jel onyń jolyn 900 shaqyrymǵa uzartqanyn jáne onyń kún panelimen qiyndyqtary bar ekenin jazǵan.
Biraq oqyrmandardy alańdaityn eshteńe joq jáne ol aqaýlardy tez arada túzetetinine sendirdi.
Burynǵy desantshy, keiinirek jeke ushqysh bolǵan Saven ótken aptada 75 jasqa tolǵan týǵan kúnin qaiyǵynda shampan iship atap ótti.
Ol óziniń segiz metrlik qaiyǵymen muhitty shamamen úsh aida kesip ótýdi josparlaǵan. Ol bul áreketin «kárilikke kúlý tásili» dep sanaǵan.
