Arystanbek Muhamediuly Qazaqstan Respýblikasynyń Mádeniet jáne sport ministri qyzmetinde qaldy.
Aita ketsek, Arystanbek Muhamediuly Ónertaný doktory, professor, «Qazaqstannyń eńbek sińirgen qairatkeri», «Qurmet» ordeniniń kavaleri.
Eńbek jolyn 1984 jyly Jambyl atyndaǵy Qazaq memlekettik filarmoniiasynyń ártisi bolyp bastaǵan.
1991-1993 jj.- Qazaqstan Respýblikasy Mádeniet ministrliginiń bas mamany
1997 jyly Qazaqstan Respýblikasy Prezidenti janyndaǵy Memlekettik basqarý Ulttyq Joǵary mektebin «Memlekettik basqarý» mamandyǵy boiynsha bitirgen.
1997-2001 jyldary Qazaqstan Respýblikasy Respýblikalyq gvardiiasy Prezidenttik orkestriniń bastyǵy.
2001 jyly Ál-Farabi atyndaǵy Qazaq ulttyq ýniversitetiniń aspirantýrasyn bitirip, 2003 jyly kandidattyq dissertatsiia qorǵap, tarih ǵylymdarynyń kandidaty ǵylymi dárejesi berildi (Ph.D).
2003 jyly Qazaqstan Respýblikasy Mádeniet jáne aqparat ministrligi «Respýblikalyq jáne halyqaralyq mádeni baǵdarlamalar direktsiiasy» RMQK-niń atqarýshy direktory, 2005 jyly - «Qazaq áýenderi» AQ-nyń prezidenti.
2006 jyly Qazaqstan Respýblikasy Mádeniet jáne aqparat vitse-ministri laýazymynda qyzmet etken tusta ol úkimettik jáne halyqaralyq deńgeide ótkiziletin («Mádeni mura» memlekettik baǵdarlamasy sekildi) keń kólemdi mádeni sharalardyń uiymdastyrýshysy bolǵan.
2007 jyldan bastap Qazaqstan Respýblikasy Prezident Ákimshiligi áleýmettik saiasat bóliminiń bas inspektory, ishki saiasat bólimi mádeniet sektorynyń meńgerýshisi qyzmetterin atqardy.
2008 jyly Qazaqstan Respýblikasynyń Prezidentiniń buiryǵymen T.K. Júrgenov atyndaǵy Qazaq ulttyq óner akademiiasynyń rektory bolyp taǵaiyndaldy.
2014 jylǵy naýryz aiynda Qazaqstan Respýblikasy Prezidentiniń Jarlyǵymen Qazaqstan Respýblikasynyń Mádeniet ministri bolyp taǵaiyndaldy.
2014 jyldyń 6 tamyzynda Qazaqstan Respýblikasy Prezidentiniń Jarlyǵymen Qazaqstan Respýblikasynyń Mádeniet jáne sport ministri bolyp taǵaiyndaldy.
Qazaqstan Respýblikasy Prezidentiniń Jarlyǵymen «Qazaqstannyń eńbek sińirgen qairatkeri» ataǵy berildi, QR Prezidentiniń alǵys hatyna ie boldy, «Qazaqstan Respýblikasynyń bilim berý isiniń qurmetti qyzmetkeri» tósbelgisimen, «Qazaqstan Respýblikasynyń Táýelsizdigine 10 jyl», «Qazaqstan Respýblikasynyń Konstitýttsiiasyna 10 jyl» «Astananyń 10 jyldyǵy», «Qazaqstan Respýblikasynyń Táýelsizdigine 20 jyl» mereitoilyq medaldarymen, «Qurmet» ordenimen, «Astana» medalimen marapattalǵan, «Álemdik deńgeidegi mádeniet jáne óner sheberi» (World master in Arts and Sulture) joǵary ataǵyna ie boldy. 2012 jyly Reseilik «Jyl menedjeri» konkýrsynyń jeńimpazy atandy.
Birqatar mýzykalyq shyǵarmalardyń avtory: «Astana» (sózi: N. Aituly), «Maqtanyshym Elbasy» (sózi: M.Qasymbekov), «Asyl sezim» (sózi: I. Isaev), «Anajan» (sózi: M. Qasymbekov), «Almaty kóktemi» instrýmentaldyq týyndysy, «Jan áke» (sózi: A. Dúisenbi), «Baqytty jandarmyz» (sózi: A. Dúisenbi), «Dostarym» (sózi: A.Dúisenbi), «Ata-anaǵa taǵzym» (sózi: M.Qasymbekov), «Baqytym», «Ana» (sózi Sh. Sariev), «ál-Farabi atyndaǵy QazUÝ gimni» (sózi: U. Esdáýletov), «Baqyt qusy» (bi mýzykasy), «Shabyt» bi kompozitsiialary, úrmeli aspaptarǵa arnalǵan marshtar.
– ónertaný doktory, taqyryby: «IýNESKO-men yntymaqtastyq aiasynda Táýelsiz Qazaqstannyń óneri»;
– filosofiia doktory (Ph.D), taqyryby: «Qazaqstan-IýNESKO: mádeni yntymaqtastyq aspektileri».
Qazaq, orys, aǵylshyn tilderin meńgergen.
Úilengen. Áieli – Iskakova Ǵaliia Nyǵmetqyzy, 1962 j.t., ónertaný kandidaty. Úsh balasy bar.
