Aǵymdaǵy jyly 1916 jylǵy ult azattyq kóterilis qolbasshysy Keiki batyrǵa arnalǵan tarihi monografiia jaryq kóredi.
Bul týraly QR Mádeniet jáne sport ministri Arystanbek Muhamediuly málim etti, dep habarlaidy Ult.kz tilshisi QazAqparat agenttigine silteme jasap.
«Memleket pen ulttyq tarihymyz úshin 1916 jylǵy ult azattyq qozǵalystyń qolbasshysy Keiki batyrdyń bas súieginiń tarihi otanyna qaitarylýy aitýly oqiǵalardyń biri boldy. Ol ǵasyr boiy Sankt-Peterbýrgtegi Resei ǵylym akademiiasynyń Antropoloiia jáne etnografiia mýzeiinde saqtalyp kelgen edi. Bul Resei men Qazaqstan Úkimetteri arasyndaǵy nátijeli kelissózderdiń jemisi», - dedi ol, elordada ótip jatqan vedomstvonyń alqa otyrysynda.
Ministrdiń aitýynsha, qazirgi ýaqytta batyrdyń beinesi men músinin jasaý boiynsha ǵylymi jumystar tolyǵymen aiaqtalyp, jerlenetin orny da naqtylanǵan.
«Batyrdyń beinesin tanytý maqsatynda ótken jyly Ahan Nurmanovtyń «Qulannyń ajaly» kitaby 2 myń danamen jaryqqa shyqty. Aǵymdaǵy jyly «Keiki batyr» tarihi monografiiasy basylady. Keiki batyrdyń tarihi kinoda jarqyn beinesin jasaý arqyly da belsendi túrde tanytylatyn bolady», - dedi Muhamediuly.
.jpeg)