«Mádeniet jáne sport ministri Arystanbek Muhamediuly qajylyqqa baratyndardy baqylaýǵa alatyny jóninde aitty», — dep habarlaidy Azattyq radiosy.
Úkimet jinalysynda sóilegen Muhamediuly bul shetelde qajylyq jasaityn Qazaqstan azamattarynyń radikaldy ideologiiany juqtyrý qaýpiniń aldyn alý úshin jasalatyn shara ekenin aitty.
Ministr sonymen birge Qazaqstan zańnamasyna «dini fanatizm» jáne «dini radikalizm» terminderin engizý jáne olarǵa tyiym salý týraly jumysshy top qurylǵanyn málim etti. Mádeniet jáne sport ministrligi Qazaqstan musylmandary dini basqarmasyna «dini rásimderdi birtekti ótý» týraly usynys jasaitynyn aitty.
— Dini birlestikterge, birinshi kezekte Qazaqstan musylmandary dini basqarmasyna barlyǵyna ortaq dini rásimder ótkizý tártibin bekitý týraly usynys jasaǵan durys. Dindar azamattar tarapynan musylmandardyń arasyndaǵy qarama-qaishylyqtardy joiý úshin dini rásimder ótkizý tártibin birtekti qylý týraly ótinishter aitylyp júr, — dedi Arystanbek Muhamediuly.
