«مەدەنيەت جەنە سپورت مينيسترٸ ارىستانبەك مۇحامەديۇلى قاجىلىققا باراتىنداردى باقىلاۋعا الاتىنى جٶنٸندە ايتتى», — دەپ حابارلايدى ازاتتىق راديوسى.
ٷكٸمەت جينالىسىندا سٶيلەگەن مۇحامەديۇلى بۇل شەتەلدە قاجىلىق جاسايتىن قازاقستان ازاماتتارىنىڭ راديكالدى يدەولوگييانى جۇقتىرۋ قاۋپٸنٸڭ الدىن الۋ ٷشٸن جاسالاتىن شارا ەكەنٸن ايتتى.
مينيستر سونىمەن بٸرگە قازاقستان زاڭناماسىنا «دٸني فاناتيزم» جەنە «دٸني راديكاليزم» تەرميندەرٸن ەنگٸزۋ جەنە ولارعا تىيىم سالۋ تۋرالى جۇمىسشى توپ قۇرىلعانىن مەلٸم ەتتٸ. مەدەنيەت جەنە سپورت مينيسترلٸگٸ قازاقستان مۇسىلماندارى دٸني باسقارماسىنا «دٸني رەسٸمدەردٸ بٸرتەكتٸ ٶتۋ» تۋرالى ۇسىنىس جاسايتىنىن ايتتى.
— دٸني بٸرلەستٸكتەرگە, بٸرٸنشٸ كەزەكتە قازاقستان مۇسىلماندارى دٸني باسقارماسىنا بارلىعىنا ورتاق دٸني رەسٸمدەر ٶتكٸزۋ تەرتٸبٸن بەكٸتۋ تۋرالى ۇسىنىس جاساعان دۇرىس. دٸندار ازاماتتار تاراپىنان مۇسىلمانداردىڭ اراسىنداعى قاراما-قايشىلىقتاردى جويۋ ٷشٸن دٸني رەسٸمدەر ٶتكٸزۋ تەرتٸبٸن بٸرتەكتٸ قىلۋ تۋرالى ٶتٸنٸشتەر ايتىلىپ جٷر, — دەدٸ ارىستانبەك مۇحامەديۇلى.
