QR Mádeniet jáne sport ministri Arystanbek Muhamediuly Qytaida I Am a Singer baiqaýyna qatysyp jatqan Dimash Qudaibergenovti salystyrýǵa kelmeitin daryn iesi ári erekshe mýzykant dep atady, - dep habarlaidy "Ult aqparat". Bul týraly ministr Facebook jelisindegi paraqshasynda jazdy.
"Qazir biz Dimash Qudaibergenovke operalyq baǵdarlama ázirlep jatyrmyz, ol simfoniialyq orkestrdiń súiemeldeýimen oryndaýdy josparlap otyr. Dimashtyń bolashaqta álemdik sahnalarda budan da zor jetistikterge jetetinine senimdimin, sol kezde biz maqtanyshpen "Iá, bul bizdiń Dimash Qudaibergen!" dep aitatyn bolamyz. Ol erekshe mýzykant, salystyrýǵa kelmeitin daryn iesi", - dep jazdy ministr.
Eske salaiyq, qazaqstandyq ánshi Dimash Qudaibergenov Qytaidaǵy I Am a Singer mýzykalyq baiqaýyna qatysqannan keiin bul elde tanymal boldy. Kóptegen BAQ otandasymyz týraly jazyp jatqany jaily da aqparat taraǵan edi.
Dimash Qudaibergenov teleshoýdyń birinshi kezeńinde SOS d'un terrien en détresse ánin frantsýz tilinde oryndap, jeńimpaz atanǵan bolatyn.
