QR Mádeniet jáne sport ministri Arystanbek Muxamediulynyń aitýynsha, vedomstvo jergilikti atqarýshy organdarmen birlese otyryp, árbir oblysqa tán sport túrin damytý josparyn jasaqtap jatyr, dep habarlaidy Ult.kz tilshisi QazAqparat agenttigine silteme jasap.
«Halyq arasynda oblystyq biýdjettiń basym bóligi fýtbolǵa, sonyń ishinde «sheteldik oiynshylarǵa jumsalady» degen narazylyq bar. Bul - óte oryndy másele. Bylaisha aitqanda, «Bizdiń basqa sport túrlerimiz nege damymaidy?» degen suraq týyndaidy. Sol úshin biz árbir oblystyń ákimdigimen birigip, biryńǵai tizimdi jasaimyz. Máselen, Shyǵys Qazaqstanda qysqy sport túrleri jaqsy damyǵan. Shańǵy, fristail, budan bólek Olga Rypakovanyń jetistikterin eskere otyryp, jeńil atletikany damytý qajet. Solardyń tizimi jasalady, oblystyq biýdjettiń qarajaty soǵan qarai baǵyttalady», - dedi Muxamediuly búgin qoǵamdyq keńes aldyndaǵy esep berý kezdesýi kezinde.
Ministrdiń aitýynsha, Ońtústik Qazaqstan men Jambyl oblystarynda qazaqtyń ulttyq oiyndaryna negizgi basymdyq beriledi. «Buǵan deiin atalǵan óńirlerde oblystyq biýdjetten durys aqsha bólinbeitin edi. Jańa aityp jatyrmyz ǵoi, bárin fýtbolǵa jumsady. Qazir biz tizimin jasaimyz da, qai óńirde qai sporttyń túri jaqsy damyǵan, aqshany aldymen soǵan bóletin bolamyz», - dep atap ótti ministr.
.jpeg)