Qostanai oblysynyń ákimi Arhimed Muhambetov Qostanai oblysynyń ataýyn Torǵai oblysy dep ataý týraly bastamaǵa qatysty pikirin bildirdi, dep habarlaidy "Ult aqparat".
Búgin Astanada ótken brifingte bastamashyl toptyń oblys ataýyn ózgertý týraly ashyq hatyna qatysty suraq qoiyldy.
«Hatpen tanyspyn. Kórdim. Jalpy, meniń ustanymym - qarsymyn. Óitkeni, Qostanai oblysynyń tarihtan kele jatqan óziniń ataýy bar. Qatelespesem, bul hatqa 17 adam qol qoiǵan. Birneshe adamdy tanimyn. Ózim olarmen jeke sóileskende kóp aýdanda ákim bolǵan Sabyrjan Ahmetuly degen kisi «men bul hatqa qol qoiǵan joqpyn» dep bas tartyp otyr. Qalibek Deripsaldin (kompozitor) de ol hatqa qol qoimaǵanyn aitýda. Bul jerde, sondyqtan halyqty dúrliktirý durys emes dep oilaimyn», - dedi Arhimed Muhambetov.
Oblys ákimi eldi meken ataýyn ózgertýdiń tártibi baryn, tyńdaýlar ótý kerektigin eskertti.
«Sondyqtan, kóre jatarmyz. Biraq, jalpy óz ustanymymdy aitaiyn. Bizde Torǵai ataýymen qalyptasqan, burynnan kele jatqan aýdan ortalyǵy bar. Eger otyzynshy, qyrqynshy jyldary Qostanai qalasynyń aty Torǵai dep atalsa, onda burynǵy atyn qaitarý boiynsha jumys bolsa bir jón. Al bul jerde ózimniń ustanymym - qarsymyn», - dep túidi Arhimed Muhambetov.
