قوستاناي وبلىسىنىڭ ەكٸمٸ ارحيمەد مۇحامبەتوۆ قوستاناي وبلىسىنىڭ اتاۋىن تورعاي وبلىسى دەپ اتاۋ تۋرالى باستاماعا قاتىستى پٸكٸرٸن بٸلدٸردٸ, دەپ حابارلايدى "ۇلت اقپارات".
بٷگٸن استانادا ٶتكەن بريفينگتە باستاماشىل توپتىڭ وبلىس اتاۋىن ٶزگەرتۋ تۋرالى اشىق حاتىنا قاتىستى سۇراق قويىلدى.
«حاتپەن تانىسپىن. كٶردٸم. جالپى, مەنٸڭ ۇستانىمىم - قارسىمىن. ٶيتكەنٸ, قوستاناي وبلىسىنىڭ تاريحتان كەلە جاتقان ٶزٸنٸڭ اتاۋى بار. قاتەلەسپەسەم, بۇل حاتقا 17 ادام قول قويعان. بٸرنەشە ادامدى تانيمىن. ٶزٸم ولارمەن جەكە سٶيلەسكەندە كٶپ اۋداندا ەكٸم بولعان سابىرجان احمەتۇلى دەگەن كٸسٸ «مەن بۇل حاتقا قول قويعان جوقپىن» دەپ باس تارتىپ وتىر. قاليبەك دەرٸپسالدين (كومپوزيتور) دە ول حاتقا قول قويماعانىن ايتۋدا. بۇل جەردە, سوندىقتان حالىقتى دٷرلٸكتٸرۋ دۇرىس ەمەس دەپ ويلايمىن», - دەدٸ ارحيمەد مۇحامبەتوۆ.
وبلىس ەكٸمٸ ەلدٸ مەكەن اتاۋىن ٶزگەرتۋدٸڭ تەرتٸبٸ بارىن, تىڭداۋلار ٶتۋ كەرەكتٸگٸن ەسكەرتتٸ.
«سوندىقتان, كٶرە جاتارمىز. بٸراق, جالپى ٶز ۇستانىمىمدى ايتايىن. بٸزدە تورعاي اتاۋىمەن قالىپتاسقان, بۇرىننان كەلە جاتقان اۋدان ورتالىعى بار. ەگەر وتىزىنشى, قىرقىنشى جىلدارى قوستاناي قالاسىنىڭ اتى تورعاي دەپ اتالسا, وندا بۇرىنعى اتىن قايتارۋ بويىنشا جۇمىس بولسا بٸر جٶن. ال بۇل جەردە ٶزٸمنٸڭ ۇستانىمىم - قارسىمىن», - دەپ تٷيدٸ ارحيمەد مۇحامبەتوۆ.
