Ádebiet
Muqaǵalidy Odaq músheligi qatarynan shyǵarǵan kim?..
Avtor ne maqsatpen aqyn ómirin sonsha qazbalaǵan? Muqaǵali Maqataevty SSSR Jazýshylar Odaǵynan shyǵarý týraly áńgimeniń búge-shigesine deiin anyqtap, Safýan Sháimerdenov aǵamyz osydan otyz shaqty jyl buryn óziniń Qazaq SSR Memlekettik syilyǵyn alǵan "Aǵalardyń alaqany"atty kitabynda jazyp ketken. Myna avtor sol shyndyqty bylai burmalaidy ""... Muqaǵali Maqataev Jazýshylar odaǵy qatarynan shyǵarylmaǵan. Tek odaq basshylary ózi de aitatynyndai, «serilik» ómirge túsip ketken aqyndy jónge salyp alý nietimen jalǵan Qaýly ázirleidi..." Al, shynyda, jalǵan qaýly emes,ázirlengeni -qaýlynyń jobasy. Bul sharaǵa asa iri laýazymdaǵy aǵanyń aralasýymen osy qaýly joba kúiinde joiylǵanyna Safýan aǵa ózi sebepshi bolǵan. Arýaqtardy bulai kústanalaý eshkimdi kórkeitpeitinin árkim este ustaǵany jón shyǵar.
