Rejisser Bolat Qalymbetovtiń "Muqaǵali" kórkem filmi 25-shi Tallin "Qarańǵy túnder" (PÖFF) kinofestivalinde ekýmenikalyq qazylar alqasynyń syilyǵyna ie boldy. Bul týraly festival uiymdastyrýshylary keshe "Estoniia" kontsert zalynda ótken marapattaý rásiminde málimdedi, - dep habarlaidy "Ult aqparat".
"Poetikalyq til men filmniń kórnekiligi eń sezimtal taqyryptardy adam janynyń tiline aýdarýǵa múmkindik beredi. Film naǵyz rýhani qundylyqtardy madaqtaýǵa esik ashady", - dedi qazylar alqasynyń músheleri.
Eske salaiyq, qazaqtyń áigili aqyny Muqaǵali Maqataevtyń 90 jyldyǵyna arnalǵan "Muqaǵali" kartinasy lirik aqyn ómiriniń sońǵy jyldary týraly baiandaidy. Filmdi Qazaqstan Mádeniet jáne sport ministrliginiń tapsyrysy boiynsha Sh.Aimanov atyndaǵy "Qazaqfilm" kinostýdiiasy túsirgen. Taspanyń stsenariiin belgili qazaqstandyq jazýshy Júsipbek Qorǵasbek rejisser Bolat Qalymbetov jáne Ǵaziz Nasyrovpen birge jazǵan. Film qazaqstandyq prokatqa 2021 jyldyń 21 qazanynda shyqty.
