Múgedekti jumysqa qabyldamaǵan kompaniia jazalanady. Bul týraly búgin Úkimet úiindegi baspasóz máslihatynda QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
«Búginde elimizde múgedektigi bar 690 adam bar. Onyń 424 myńy jumysqa qabiletti bolǵanymen, 224 myńy ǵana jumys istei alady. Qazirgi ýaqytta olardyń 106 myńy eńbek etip júr. Biz olardyń ekonomikalyq belsendiligin arttyrý boiynsha ózimizge mindet qoidyq. Mynadai problema bar – múdegektigi bar adamdardy jumysqa almaidy. Zańnamamyzǵa sáikes, jergilikti atqarýshy organdar kásiporyndarǵa kvota bekite alady. Qazirgi ýaqytta 2-den 4 paiyzǵa deiin mólsherde. Bul kvotada 14,5 myń birlik bolǵanymen, oryndalmai keledi», - dedi ol.
Onyń aitýynsha, bul máseleni sheshý úshin álemdik tájiribe zerdelengen. Aitalyq, Kanadada mundai kvotany oryndamaǵan kompaniialar memlekettik satyp alýlarǵa jiberilmeidi. Al Germaniia men Japoniiada kompaniia múgedektigi bar adamdy jumysqa qabyldamasa, onda ótemaqy tóleýge májbúr bolady.
«Biz osy ideialardy qaperge aldyq, endi ázirleitin bolamyz. Tetikterin, kólemi qansha bolýy kerektigin oilastyryp jatyrmyz. Ol múgedektigi bar adamdy oqytyp, basqa jerge jumysqa ornalastyrý úshin jetkilikti bolýy tiis. Búginde bul ideia deńgeiinde ǵana tur. Bizde zań jobasynyń tujyrymdamasy bar. Zań jobalaý jumysy josparyna sáikes ony 2020 jyly qabyldaý kerek», - dedi Birjan Nurymbetov.
