"NeMolchiKZ" qorynyń belsendileri Qyzylorda Politsiia departamenti qyzmetkerin áielin soqqyǵa jyqqany úshin qylmystyq jaýapkershilikke tartýdy talap etip otyr, - dep habarlaidy Massaget.kz portaly.
Jábirlenýshi bul týraly Prezident Qasym-Jomart Toqaevqa joldaǵan beineúndeýinde aitqan.
Facebook-te jariialanǵan jazbada áiel kúieýi 4 qarashada onyń júkti ekenin bile tura soqqyǵa jyqqanyn aitady. Áieldiń sózinshe, kúieýi bankamen basynan uryp, tunshyqtyrǵan, al ol qarsylyq kórsetken.
"Kúieýim meni múgedek etti. Aiaǵym tolyq jumys istemeidi, omyrtqam zaqymdalǵan. Bul kisi óltirý áreketi boldy. Ol meni óltirgisi keldi. Úiden shyǵa almadym, biraq ol barlyq kilti alyp ketti, terezeden sekirýge májbúr boldym", - deidi ol úndeýinde.
Jábirlenýshiniń aitýynsha, ol politsiia bolyp qyzmet etetin kúieýi jazasyz qala ma dep qorqady.
"Ol - zeinetkerlikke shyqqan politsiia polkovniginiń uly. Ol jazasyz qala ma dep qorqamyz. Ol áieldi múgedek etip, issaparǵa tynysh ketip qalǵan. Biz politsiia qatarynda zorlaýshylardyń, basqynshylardyń jumys isteýine qarsymyz! Advokattar qaýymdastyǵyna júginemiz, bizge kómek kerek. Qyzdyń quqyǵyn qorǵaý qajet! Osy qarapaiym otbasyn qoldaýdy suraimyz, olar Shieli aýylynan, bailanysy men qarajaty joq qarapaiym adamdar", - delingen habarlamada.
Qyzylorda oblysy Politsiia departamenti ókilderi osy derek boiynsha PD Jeke qaýipsizdik basqarmasy QR Qylmystyq kodeksiniń 105-baby boiynsha sotaldy tergeý júrgizip jatqanyn málimdedi.
"Oqiǵanyń mán-jaiy anyqtalyp jatyr. Tiisti saraptamalar taǵaiyndaldy. Sonymen qatar, qyzmettik tergeý júrgizilip jatyr. Is basshylyqtyń baqylaýynda", - dep atap ótti politseiler.
