"نەمولچيKZ" قورىنىڭ بەلسەندٸلەرٸ قىزىلوردا پوليتسييا دەپارتامەنتٸ قىزمەتكەرٸن ەيەلٸن سوققىعا جىققانى ٷشٸن قىلمىستىق جاۋاپكەرشٸلٸككە تارتۋدى تالاپ ەتٸپ وتىر, - دەپ حابارلايدى Massaget.kz پورتالى.
جەبٸرلەنۋشٸ بۇل تۋرالى پرەزيدەنت قاسىم-جومارت توقاەۆقا جولداعان بەينەٷندەۋٸندە ايتقان.
Facebook-تە جارييالانعان جازبادا ەيەل كٷيەۋٸ 4 قاراشادا ونىڭ جٷكتٸ ەكەنٸن بٸلە تۇرا سوققىعا جىققانىن ايتادى. ەيەلدٸڭ سٶزٸنشە, كٷيەۋٸ بانكامەن باسىنان ۇرىپ, تۇنشىقتىرعان, ال ول قارسىلىق كٶرسەتكەن.
"كٷيەۋٸم مەنٸ مٷگەدەك ەتتٸ. اياعىم تولىق جۇمىس ٸستەمەيدٸ, ومىرتقام زاقىمدالعان. بۇل كٸسٸ ٶلتٸرۋ ەرەكەتٸ بولدى. ول مەنٸ ٶلتٸرگٸسٸ كەلدٸ. ٷيدەن شىعا المادىم, بٸراق ول بارلىق كٸلتٸ الىپ كەتتٸ, تەرەزەدەن سەكٸرۋگە مەجبٷر بولدىم", - دەيدٸ ول ٷندەۋٸندە.
جەبٸرلەنۋشٸنٸڭ ايتۋىنشا, ول پوليتسييا بولىپ قىزمەت ەتەتٸن كٷيەۋٸ جازاسىز قالا ما دەپ قورقادى.
"ول - زەينەتكەرلٸككە شىققان پوليتسييا پولكوۆنيگٸنٸڭ ۇلى. ول جازاسىز قالا ما دەپ قورقامىز. ول ەيەلدٸ مٷگەدەك ەتٸپ, ٸسساپارعا تىنىش كەتٸپ قالعان. بٸز پوليتسييا قاتارىندا زورلاۋشىلاردىڭ, باسقىنشىلاردىڭ جۇمىس ٸستەۋٸنە قارسىمىز! ادۆوكاتتار قاۋىمداستىعىنا جٷگٸنەمٸز, بٸزگە كٶمەك كەرەك. قىزدىڭ قۇقىعىن قورعاۋ قاجەت! وسى قاراپايىم وتباسىن قولداۋدى سۇرايمىز, ولار شيەلٸ اۋىلىنان, بايلانىسى مەن قاراجاتى جوق قاراپايىم ادامدار", - دەلٸنگەن حابارلامادا.
قىزىلوردا وبلىسى پوليتسييا دەپارتامەنتٸ ٶكٸلدەرٸ وسى دەرەك بويىنشا پد جەكە قاۋٸپسٸزدٸك باسقارماسى قر قىلمىستىق كودەكسٸنٸڭ 105-بابى بويىنشا سوتالدى تەرگەۋ جٷرگٸزٸپ جاتقانىن مەلٸمدەدٸ.
"وقيعانىڭ مەن-جايى انىقتالىپ جاتىر. تيٸستٸ ساراپتامالار تاعايىندالدى. سونىمەن قاتار, قىزمەتتٸك تەرگەۋ جٷرگٸزٸلٸپ جاتىر. ٸس باسشىلىقتىڭ باقىلاۋىندا", - دەپ اتاپ ٶتتٸ پوليتسەيلەر.
