Muǵalimderden Bilim jáne ǵylym ministrligi buiryǵynda joq esepti talap etkenderge qatań shara qoldanamyz. Ministr Ashat Aimaǵambetov Respýblikalyq pedagogikalyq keńeste osylai aitty, dep habarlaidy "Ult aqparat".
«Biz bul máseleni birneshe márte kóterdik, taǵy da qaitalap aitamyn. Direktorlarǵa, olardyń orynbasarlaryna, bilim bólimderi men bilim basqarmalaryna eskertemin. Ministrliktiń buiryǵynda joq esepterdi talap etý faktileri rastalatyn bolsa, onda óte qatań sharalar qoldanamyz. Ony sizder oqymaisyzdar da, oqýǵa da eshkimniń ýaqyty joq. Onyń áketip bara jatqan eshqandai tiimdiligi de joq. Bostan-bosqa áiteýir esep jinaý. Degenmen, munyń aldynda bolǵan jaǵdaimen salystyrǵanda jer men kóktei aiyrmashylyq bar. Biraq, keibir mektepterde áli kúnge deiin mundai faktiler tirkelip otyr», - dedi ministr.
Sonymen qatar ol muǵalimder ózine júktelgen qyzmetpen ǵana ainalysýy tiis ekendigin, quzyretine kirmeitin basqa jumysqa tartylmaýy kerektigin basa aitty.
«Muǵalim óziniń sabaǵyn júrgizýi jáne ony sapaly ótkizýi tiis. Mine, biz osyny talap etýimiz qajet. Bul jerde eshkim daýlasa almaidy», - dedi Ashat Aimaǵambetov.
